Who the Fuck Is Pigmento?
Spirit of a Dual Nature

Pointierte Erzählungen, Anekdoten statt Fakten

Kapitel 22 Negroni in Dscheesolo

Najlich huckma, maj Ojde und ii, in aana klassn Hotööbar in Dscheesolo. Wia si si so khört, noch an pipi fajnan Pappi, muas da Verdauungstrakt mit an Verdauungsenzüm noochbehondlt wern. De majstn Baarbesucha schajnen da rothaarign, waißhajtign, britischn Vojksgruppn anzukhörn. Uns wird a Sizploz in da Mittn vo de Gaffa zurgwiesn. Da Kööna, a longa, blonda, echta Italiena froogt mi wos ma denn trinka wojn. I sog hojbvadurscht,  wia aus da Pistojn gschossn, bitte zwaa gschajde NEGRONI. Da longe Blonde schaud mi a, übaleegt, schaud dann maj Ojde a und froogts, wos sie denn trinka wüü. Im Moment hob is net glaj gschnojt, vaorscht da mi da fajne Pinkl oda is des a trokana, englischa Humoa füa de auf uns gaffende, Tee zuzlnde, aus der Geriatrie urlaubende, britische Mäujte. Wiz los nooch hob ii drauf zu earm gmaant. De zwaa NEGRONI san kumma, mia homs obagschitt und schnöö des Lokaaj gwekslt.

ZURÜCK ZUM KAPITELVERZEICHNIS